அமெரிக்காவில் உள்ள ரோமன் கத்தோலிக்க மத குருக்களுக்கு எதிராகக் கூறப்படும் செக்ஸ் குற்றச் சாட்டுகளின் எண்ணிக்கை கடந்த ஆண்டை விட 18 சதவீதம் அதிகரித்துள்ளதாக கத்தோலிக்கத் திருச்சபையின் அறிக்கை ஒன்று கூறுகிறது.
2008ஆம் ஆண்டு கூறப்பட்ட இத்தகைய குற்றச் சாட்டுகள் தொடர்பாக கத்தோலிக்கத் திருச்சபை 436 மில்லியன் அமெரிக்க டலார்கள் செலவு செய்யப்பட்டதாகவும், இந்தத் தொகை பாதிக்கப்பட்டவர்களுக்கு இழப்பீடாக வழங்கப் பட்டதாகவும் கூறப்படுகிறது.
இந்தக் குற்றச்சாட்டுகளில் பாதிக்கப் பட்டவர்களில் ஐந்தில் ஒருவர் 10 வயதுக்குட்பட்டவர்கள் என்று அமெரிக்காவின் பல்வேறு பகுதிகளிலும் உள்ள சுமார் 200 தேவாலய நிர்வாகப் பகுதிகளில் மேற்கொள்ளப் பட்ட ஆய்வுகளின்போது தெரிய வந்துள்ளது.
2008ஆம் ஆண்டு சுமத்தப்பட்ட குற்றச் சாட்டுகள் கடந்த ஆண்டைவிட அதிகரித்தாலும் நஷ்ட ஈடாக வழங்கப்பட்ட தொகை 2007ஆம் ஆண்டை விட 29 சதவீதம் குறைந்துள்ளதாகவும், 2007ஆம் ஆண்டு சுமார் 500 பேருக்கு 660 மில்லியன் அமெரிக்க டாலர்கள் நஷ்ட ஈடாக வழங்கப் பட்டதெனவும் செய்திகள் தெரிவிக்கின்றன.
No comments:
Post a Comment